Óli Stef

Ólafur Stefánsson (Óli Stef) er fæddur í Reykjavík 1978 og byrjaði að smíða skartgripi 14 ára. Hann útskrifaðist úr hönnun 1998 og úr gullsmíði frá Iðnskólanum í Reykjavík 2002. Hann lærði og starfaði hjá Siggu og Timo gullsmiðum í Hafnarfirði í níu ár og hjá Jóni og Óskari í sex ár, en hefur rekið eigið fyrirtæki frá 2018 — fyrst á Ísafirði og síðan í Hafnarfirði. Innblásturinn sækir hann í náttúruna og fléttar gull, silfur, demanta og eðalsteina saman við efni sem hann safnar við strendur Íslands, svo sem rekavið, hvaltönn og steina. Óli Stef kennir silfursmíði og skartgripagerð og hefur mikla ánægju af því að miðla faginu. Hann er gullsmiðurinn í Handverkshúsinu þar sem hann leiðbeinir á silfursmíðanámskeiðum — allt frá eins dags silfurleirsnámskeiði og þriggja daga Silfursmíði I upp í tíu vikna framhaldsnámskeið. Áður kenndi hann skartgripagerð börnum á Ströndum og í grunnskólanum á Ísafirði. Fyrirspurnir um námskeið og einkatíma má senda á olistefgoldsmith@gmail.com eða í síma 699-6055.