Embla Sigurgeirsdóttir

Embla Sigurgeirsdóttir er íslenskur leirlistamaður sem lauk BA(Hons) gráðu í Contemporary Applied Arts árið 2014 frá University of Cumbria eftir tveggja ára nám í keramik við Myndlistaskólann í Reykjavík. Hún sækir innblástur í íslenska náttúru og vinnur einkum með postulín, þar sem hvíti liturinn og mjúk, brothætt áferð efnisins hentar hugmyndum hennar. Í lit glerunga og áferð verkanna miðlar hún stemningu og eiginleikum íslenskrar náttúru — síbreytilegu ljósi og veðri eyjunnar. Djúpar brúnir og skarpar línur sem einkenna verk hennar eru innblásnar af yfirborði dala og fjalla, mótuðum í árþúsundir af samspili hraunstrauma og jökla.